Lexoni mësimin në libër duke klikuar këtu: Letërsia 12 Mësimi 5.4.1
SKEDË KOMENTI
Atdheut, Gjergj Fishta
N’ty mendoj kur agon dita,
Kur bylbyli mallshem kndon,
N’ty mendoj kur soset dita,
Terri botën kur e mblon.
Veç se ty të shoh un n’anderr,
Veç se ty, çuet, t’kam n’mendim;
Ndër t’vështira ti m’je qanderr,
Për ty i lehtë m’vjen çdo ndëshkim.
Tjera brigje, fusha e zalle
Un kam pa, larg tue ba shtek,
E pergjova tjera valle,
N’tjera lule syu m’u rrek;
Por nji fushë ma e blerët nuk shtrohet,
Por nji mal ma bukur s’rri,
Ma i kulluet nji lum s’dikohet,
Moj Shqypni, porsi i ke ti.
N’ty ma i bukur lulzon prilli,
Janë ma t’kandshme stinë e mot;
N’ty bylbyli pa le dielli
Kndon ma ambël t’Madhit Zot.
Pa ty lules s’m’i vjen era,
Pa ty pema frut nuk m’bjen:
Mue pa ty nuk m’del prendvera,
Pa ty dielli nuk m’shkëlxen.
Dersa t’mundem me ligjrue
E sa gjall me frymë un jam,
Kurr, Shqypni, s’kam me t’harrue,
Edhe n’vorr me t’përmendë kam.
Google 
Facebook