Lexoni mësimin në libër duke klikuar këtu: Letërsia 10 Mësimi 9.2
“Don Kishoti i Mançes”
Ngjizja e romanit
Romani “Don Kishoti” është roman i një artisti gjenial, i cili i ka përjetuar thellësisht ngjarjet e kohës
dhe jetën e një shoqërie plot probleme.
Romani i Servantesit u frymëzua nga historitё mbi kalorёsit legjendare, që vazhdonin tё ishin
ende shumë tё lexuara nё periudhёn kur Servantesi shkroi “Don Kishotin”. Kёto lloj historish e
idealizonin kalorёsin i cili vriste dragonj, përbindësha dhe ushtri tё pafundme armiqsh. Gjithnjё heroi
kishte njё damё e cila betohej pёrjetёsisht pёr dashurinё e tij, pasi heroi e kishte shpёtuar nga njё situatë
e pashpresё. Nё Spanjё kёto romane flisnin pёr komandantë qё kishin luftuar kundёr hordhive arabe. Pas
zbrapjes sё arabёve shumё nga shtresa e mёparshme e fisnikёve mbetën me kujtimet që u vinin nga tё
tilla romane. Njё pjesё e mirё e fisnikёrisё spanjolle u largua pёr nё kolonitё e pёrtej oqeanit ndёrkohё
qё pjesa e mbetur jetonte me kujtimet heroike. Pikërisht duke u përballur me këtë realitet, Servantesi
shkroi “Don Kishotin”, sikundër na thotë dhe ai vetë, me qëllimin që të diskretitonte librat e kalorësisë,
pikërisht duke vënë në lojë këtë prirje të kalorsisë së Spanjës, si dukuri shoqërore dhe historike. Pra,
vepra e tij është vërtet revolucionare, sepse për të diskretituar librat e kalorësisë, ai duhet të diskretitonte
tërë Periudhën e Mesjetës dhe të lëshonte thirrjen për të dalë nga errësira.
Google 
Facebook